<<Back to Poems Menu Next
Date of writing: 1795

Place written: Ellisland


A Man's a Man for A'that
Is there for honest poverty,
That hangs his head, an' a' that?
The coward slave we pass him by,
We daur be puir for a' that,
For a' that, and a' that,
Our toils obscure, and a' that;
The rank is but the guinea's stamp,
The man's the gowd for a' that.

What though on hamely fare we dine,
Wear hoddin-grey and a' that,
Gie fools their silks, and knaves their wine;
A man's a man for a' that.
For a' that and a' that,
Their tinsel show and a' that,
The honest man, though ne'er sae puir,
Is king o' men for a' that.

A king can mak' a belted knight,
A marquis, duke, and a' that;
But an honest man's aboon his micht,
Gude faith, he maunna fa' that!
For a' that, and a' that,
Their dignities and a' that,
The pith o' sense, and pride o' worth,
Are higher ranks than a' that.

Then let us pray that come it may,
As come it will, for a' that,
That sense and worth, o'er a' the earth,
May bear the gree, and a' that.
For a' that, and a' that,
It's comin' yet, for a' that,
When man to man, tne warld o'er,
Shall bnithers be for a' that.
Home Contact Us News Online Tour History Visiting Info Links Poetry Burns - The Man
Join the Friends of Ellisland
Dumfries Burns Trail

© Friends of Ellisland 2017. All Rights Reserved. Scottish Charity Number 279994


Designed by SuperWebs