<<Back to Poems Menu Previous Next
Date of writing: 1792

Place written: Dumfries

 

The De'il's awa wi' the Exciseman
The deil cam fiddling thro' the town,
And danc'd awa' Wi' th' Exciseman;
And ilka wife cries, auld Mahoun,
I wish you luck o' the prize, man.


Chorus The deil's awa', the deil's awa',
The deil's awa' wi' th' Exciseman;
He's danc'd awa', he's danc'd awa',
He's danc'd awa' wi' th' Exciseman.


We'll mak our maut, and we'll brew our drink,
We'll laugh, sing, and rejoice, man;
And mony braw thanks to the meikie black deil,
That danc'd awa' wi' th' Exciseman.


The deil's awa', the deil's awa',
The deil's awa' wi' th' Exciseman;
He's danc'd awa', he's danc'd awa',
He's danc'd awa' wi' th' Exciseman.


There's threesome reels, there's foursome reels,
There's hornpipes and strathspeys, man,
But the ae best dance e'er cam to the land,
Was the deil's awa' Wi' th' Exciseman.


The deil's awa', the deil's awa',
The deil's awa' wi' th' Exciseman;
He's danc'd awa', he's danc'd awa',
He's danc'd awa' wi' th' Exciseman.
Home Contact Us News Online Tour History Visiting Info Links Poetry Burns - The Man
Join the Friends of Ellisland
Dumfries Burns Trail
friends@ellislandfarm.co.uk

© Friends of Ellisland 2017. All Rights Reserved. Scottish Charity Number 279994

 

Designed by SuperWebs